2012_01_19出發去曼谷Day 1

放左工就立即搭機埸快線去機場

之前一知道自己要搭機場快線就立即搵下係邊到買飛會平D

上網睇知道下載APP玩遊戲儲齊3隻蝴蝶可以半價搭機場快線

去到搵職員登記返個八達通就得喇

入到閘求其食左個M記醫醫肚先

班機FULL曬....可能因為新年個個都出外玩

飛機餐不要要求太高....食得到就已經好好了

我地BOOK左機場附近的酒店住一晚,

明天一早去機場搭車去芭堤雅

落機就去搵黎接我地去酒店的車....

今晚住Great Residence Suvarnabhumi Hotel

一去到間酒店一睇就知麻麻地....

但網上見到D人都話OK

未入房就見到條四腳爬....

嚇到我死死下.....

入到房又見到一條.....超嚇....

叫人黎捉...點知佢用我地的枕頭黎拍走佢....

之後佢走左入去照架入面....

酒店職員同我地講"SLEEP SLEEP"話佢訓教.....

WHAT..........

最後轉房....成晚無教好訓

2012_01_02 結婚一周年州際酒店Buffet

2012_01_02結婚一周年州際酒店Buffet

 時間過得真快…

咁就過了一年,

諗返起上年今日,

好似過左無幾耐咁…仲記得好清楚…

哩一年真係過得好開心…

最開心就係蜜月旅行去左12日日本(大板,北海道,東京)

希望我地繼續渡過甜甜蜜蜜開開心心的每一年…

老公~我愛你~~

結婚一周年

我地去左州Harbourside港畔餐食Buffet

結婚後肥了一大個碼…

幸福的表現^^

每人有一杯白酒送……

甜品超吸引

海鮮好好味好新鮮…

凍蟹好似係北海道食的毛蟹咁….好多膏好好味

 老公送了一張機票同神秘禮物俾我….哈哈

好開心呀…又可以去多個地方

老公仲有送左花俾我呀…..好開心

2011_12_26長州食食食一天遊

長州食食食一天遊

前排一路都好想去長州食紅豆餅...

聖誕節見無野做,就去左長州行下

一去到梁生就話即刻去左故鄉茶寮買紅豆餅同壽司

又真係好好味....由其係壽司的紫菜脆到呀~~~連係日本食都無咁好味呀

行左一陣

梁生又話要食魚蛋.......

又行左一陣.....

我地又去左食............食允記甜品

芒果糯米滋

芒果唔甜....都係許溜山好味好多

楊枝金露都麻麻地.....

好似腸粉ga野幾好味....口感幾好....好似椰子肉咁...

我地本來入左其中一間食海鮮ga地方,

但無我地想食的瀨尿蝦...所以去左另一間食

好平...$128有3個海鮮

有3隻蟹...都幾新鮮同好味

整體上都幾好味...都新鮮