跟蹤

我地d教書嘅有時都幾似d明星咁俾狗仔隊跟蹤o架，

 

話說上次同d學生食飯，佢地無端端話下次活動帶埋你個「朋友」出唻啦！

 

我就問佢地點知我有個女朋友？

 

佢地就話：『hei，我地撞過好多次啦。』

 

「點解我唔知？」(心諗平時真係唔多覺)

 

「吓，我地費事左住你呀ma。」「我係又一城見過你地…」「我見過你地o係荃灣愉景…」「我係旺角同深井…」………(真係度度都有…)

 

有一個仲誇張，佢地話見到我同女朋友試床褥，好在我記得嗰次係買屋企嗰張，如果唔係就水洗都唔清。

 

不過，咁都唔算係最驚嘅一次，試過有個學生同媽媽係荃灣一個商場見到我和皓晴，打招呼之後我便不以為然，到處逛街，直到地鐵閘口，皓晴突然發現這個學生，原來她帶埋阿媽，跟了我地成個商場同幾個街口，都真係幾得人驚。(好在無做衰嘢)

 

睇落，做教書嘅，都幾似d公眾嘅人物咁俾狗仔隊跟。

 

---

• 留言者: Ho Ching
• Email: sheree_ip@yahoo.com.hk
• 網址:
• 日期: 2009-07-31 23:17:00

等我加句先......
梁生第一次去我屋企係同一座已經有學生叫佢
仲有第一次去我阿嫲屋企又係同一座見到學生叫佢....=-=
最搞笑佢係到搬緊屋.....
因為梁生唔記得佢叫咩名.....諗唔到佢係邊個....(無教過佢)
個學生等左一陣就話我係九龍塘宣x小學度讀.....
之後好大聲叫佢阿媽....
阿媽我見到梁sir呀~~~=-=
呆了......